काठमाडौं । भारतलाई टी २० विश्वकप जिताउन महत्वपूर्ण भूमिका खेलेका हार्दिक पाण्डेय शीर्ष स्थानमा उक्लिएका छन् । आईसीसीको टी २० अलराउण्डरको वरियतामा उनी शीर्ष स्थानमा पुगेका हुन ।
आईसीसीले बुधबार सार्वजनिक गरेको वरियतामा पाण्डेय अलराउण्डरको वरियतामा दुई स्थान सुधार गरेका हुन् । उनले विश्वकपको फाइनल खेलमा गरेको प्रदर्शनका आधारमा शीर्ष स्थानमा राखिएको हो ।
यस्तै, श्रीलंकाका वानिन्दु हसरंगा सूचीमा दोस्रो स्थानमा छन् भने अष्ट्रेलियाका मार्कोस स्टोइनिस तेस्रो स्थानमा रहेका छन् ।
जिम्बाबेका सिकन्दर राजा चौथो, बंगलादेशका शकिब अल हसन पाँचौं र अफगानिस्तानका मोहमद नावी छैटौँ स्थानमा पुगेका छन् ।
अलराउण्डरको वरियतामा नेपालका दीपेन्द्र सिंह ऐरी सातौं स्थानमा कायम रहेका छन् ।
प्रतिक्रिया दिनुहोस्
