पान इन्डिया स्टार प्रभासको हालै फिल्म ‘कल्की २८९८ एडी’ रिलिज भएको छ । यो फिल्मले दर्शकबाट सकारात्मक प्रतिक्रिया पाइरहेको छ ।
प्रभासको फिल्म ‘कल्की २८९८ एडी’ मा आफ्नो दमदार भूमिकाका कारण चर्चामा छन् । फिल्मलाई फ्यानहरूले निकै रुचाइरहेका छन् । फिल्म ‘कल्की २८९८ एडी’ ले अहिलेसम्म राम्रो कमाई गरिरहेको छ ।
‘कल्की २८९८ एडी’ को मज्जा लिइरहेका प्रभासका फ्यानहरूका लागि खुसीको खबर छ । अब प्रभासको बहुप्रतिक्षित फिल्म ‘सालार २’ को छायांकन छिट्टै सुरु हुने भएको छ ।
सन् २०२३ मा रिलिज भएको ‘सालार पार्ट १’ को अपार सफलतापछि निर्देशक प्रशान्त नील चाँडै ‘सालार २’ को सुटिङ सुरु गर्न लागेका हुन् । मिडिया रिपोर्टका अनुसार ‘सालार’ ले टिकट विन्डोबाट ७ सय करोड भारु कमाएको थियो, त्यसपछि यो फिल्मको सिक्वेलको पनि घोषणा गरिएको थियो ।
‘सलार’ को सिक्वेल ‘सालार २’ को छायांकन अगस्त १० बाट सुरु हुँदैछ । मिडिया रिपोर्टका अनुसार ‘सलार २’ को २० प्रतिशत सुटिङ भइसकेको छ, जुन प्रभास र पृथ्वीराजबीच छायांकन गरिएको छ । फिल्मको अधिकांश छायांकन रामोजी फिल्म सिटीमा हुनेछ ।
मिडिया रिपोर्टका अनुसार फिल्म ‘सालार २’ को दोस्रो भागको कथा त्यहीँबाट सुरु हुनेछ जहाँ यो समाप्त भएको थियो । ‘सलार’ मा प्रभास बाहेक पृथ्वीराज सुकुमारन, श्रेया रेड्डी, श्रुति हसन, मीनाक्षी चौधरी लगायतका कलाकारले महत्त्वपूर्ण भूमिका निर्वाह गरेका थिए ।
‘सालार १’ जस्तै फिल्म ‘सालार २’ पनि प्रशान्त नीलले लेखेका हुन् भने निर्देशन पनि प्रशान्तले नै गर्नेछन् । होम्बले फिल्म्सको तर्फबाट विजय किरागण्डुरले निर्माण गर्नेछन् ।
फिल्ममा प्रभासका अलावा पृथ्वीराज सुकुमारन, श्रुति हसन र जगपति बाबु पनि देखिनेछन् । ‘सालार २’ बाहेक प्रभासको आगामी फिल्महरूको बारेमा कुरा गर्दा, यो सूचीमा ‘बाहुबली ३’, ‘स्पिरिट’, ‘राजा साहेब’ र निर्देशक हनु राघवपुडीको पिरियड ड्रामा फिल्म समावेश छ ।
