आज मिति २०८१ असार २७ गते बिहीबार । सन् २०२४ जुलाई ११ तारिख । नेपाल सम्बत ११४४ दिल्लाथ्व पञ्चमी तिथि । आज नेपालमा सूर्योदय बिहान ५ बजेर १६ मिनेटमा भयो भने सूर्यास्त साँझ ७ बजेर २ मिनेटमा हुनेछ । अब सुरु गरौँ राशिफलः
मेष
व्यस्तता वृद्धि हुनेछ । रोकिएको काम फेरि प्रयास गर्दा सफलता मिल्ने समय छ । ढिलासुस्तीले काम बिग्रनुका साथै हातमा आएको मौका समेत गुम्न सक्छ । आजको दिन नयाँ योजना बन्ने छन् भने पुरानो समस्या सुल्झाउन सकिने छ । स्थायी सम्पत्तिमा भने विवाद आउन सक्ने योग छ । धैर्यसाथ काममा जुट्नुहोला, मेहनत गर्दा सामान्य लाभ भइरहने छ । मिठो भोजन प्राप्त हुनेछ ।
बृष
पराक्रम वृद्धि हुनेछ । विभिन्न अवसरले पछ्याउने छन् । रमाइलो जमघटका बीच खानपानको आनन्द प्राप्त हुने योग । व्यवसायमा चाहिँ लक्ष्यअनुसारको उपलब्धि प्राप्त नहुन सक्छ । स्वास्थ्यमा सामान्य कमजोरी रहला । आफन्तबीच आत्मियतामा कमी आउन सक्छ, सचेत रहनुहोला । यसका बाबजुद बिग्रिएको सम्बन्ध र विगतका कमजोरीलाई बिस्तारै सुधार गर्न सकिने समय छ । आफन्तजनको सहयोग प्राप्त होला । परिवारिक सुख बढ्ने छ ।
मिथुन
दिगो आयस्रोत जुटाउन सकिने समय छ । नयाँ साथीभाइ बन्न सक्छन् । स्वास्थ्य भने केही कमजोर रहला । जिम्मेवारी चाहिँ बढिरहने छ । अध्ययन अध्यापनमा समय दिन नसकिएला । आर्थिक काम बन्नेछ । खेलकुद भ्रमणमा आकर्षण रहनेछ । वर्चश्व वृद्धि हुनेछ ।
कर्कट
विद्यामा कमजोरी र लेनदेनमा विवाद होला । बाध्यताले अनावश्यक अलमल बढाउन सक्छ । सहयोगको आशा देखाउनेबाटै धोका पाइएला । समयमा होश नपुग्नाले खर्च मात्र हुनेछ । प्रलोभन देखाउनेहरूले फसाउन सक्छन् । स्वास्थ्यगत समस्याले पनि सताउने योग छ । खेलकुद र भ्रमण आदिमा आकर्षण रहने छ ।
सिंह
व्यावसायिक आम्दानी बढ्ने छ । पछिसम्म फाइदा हुने काम प्रारम्भ गर्न सकिने छ । प्रशंसा र प्रेरणा दिनेहरू भेटिनेछन् । रमाइलो जमघटका बीच स्वादिष्ट खानपानको आनन्द पाइएला । रमाइलो यात्रा गर्ने अवसर पनि जुट्न सक्छ । परिस्थितिसँग केही सम्झौता गर्नु परे पनि अधिकार र प्रतिष्ठा जोगाउन सफल भइएला । रसरागमा आकर्षण बढ्ने छ । समयले साथ दिनेछ ।
कन्या
आजको दिन बोलीको कारणले केही समस्या उब्जिन सक्छ, तर सहयोगीहरूले समर्थन जनाउने छन् । अध्ययन–अध्यापनमा समय दिन नसकिएला । लेनदेनको विवादले हानी गर्न सक्छ । पुराना समस्या दोहोरिन सक्ने योग छ । स्वादिष्ट भोजनको अवसर प्राप्त भए पनि स्वास्थ्यका लागि खानपानमा सचेत रहनु हितकर होला । समस्यामा उच्चाधिकारीको साथ मिल्ने योग छ ।
तुला
कर्मबल बढ्ने छ । स्वास्थ्य सामान्य कमजोर रहेपनि नाम, दाम र इनाम कमाउने समय छ । विस्तारै सोचेको काम बन्नेछ । सेवामूलक कामबाट प्रतिष्ठा मिल्नेछ । लगनशील बन्न नसक्दा आलोचनाको शिकार हुनु पर्ने योग छ । तपाईंका कमजोरीमाथि टीका टिप्पणी हुन सक्छ । मिठो भोजन प्राप्त हुनेछ । रसरागमा आकर्षण रहला ।
बृश्चिक
सुख बढेर आउने छ । प्रतिष्ठित कामको जिम्मेवारी पाइने समय छ । तर सानातिना काम र घरेलु समस्यामै अल्झनु पर्ने पनि देखिन्छ । अर्थ अभावले योजना स्थगित हुन सक्छ । भूमि वा पैत्रिक सम्पत्तिमा विवादको योग छ । कृषि कार्यमा हुनेका लागि समय केही प्रतिकुल भए पनि धन आर्जन हुने समय छ । समग्रमा समयले साथ दिनेछ ।
धनु
दौडधुप बढ्ने छ । व्यावसायिक काममा विभिन्न समस्या आउन सक्ने समय भएपनि इच्छाशक्ति एवं मेहनतले राम्रो फाइदा दिलाउने छ । प्रयत्न गर्दा लक्ष्य प्राप्त हुनेछ भने मेहनतले प्रतिस्पर्धाको दौड जिताउन सक्छ । भौतिक साधन जुट्नेछन् । उद्योग र व्यापारमा विशेष फाइदा हुनेछ । प्रतिद्वन्द्वीहरू परास्त हुनेछन् । मनोरञ्जनात्मक क्रियाकलापमा आकर्षण बढ्ने छ ।
मकर
अनुकूलता बढ्नेछ । नयाँ व्यवसाय सुरु गर्ने तथा दाम, इनाम र प्रतिष्ठा कमाउने समय छ । तर, महत्वपूर्ण कुनै योजना सोचिरहनु भएको छ भने तत्काल शुरु नगर्नु हितकर हुनेछ । सहयोगीहरूले राम्रो साथ दिने छन् । रोकिएका काम बन्ने योग छ । आरोग्यता वृद्धि हुनेछ । मित्रजनको सहयोग प्राप्त हुनेछ ।
कुम्भ
अरूको दबाबमा परिए पनि कामको सन्दर्भमा विशिष्ट व्यक्तित्वहरूसँग निकटता बढ्ने छ । सोचेको काम सजिलै सम्पादन हुनाले मन प्रसन्न रहनेछ । मेहनतले धेरैको विश्वास जित्न सकिएला । प्रिय पात्रसँग भेटघाट हुनुका साथै दिन रमाइलो बन्ने छ । शुभचिन्तकहरूको सुझावलाई कदर गर्नु हितकर हुनेछ । रसरागमा आकर्षण रहला । मिठो भोजन प्राप्त हुनेछ ।
मीन
कर्ममा विश्वास गरेर अघि बढ्दा फाइदा हुने समय छ । आम्दानी बढ्नुका साथै ठूलो काम सम्पादन हुन सक्छ । अप्ठ्यारा परिस्थितिसँग सम्झौता गर्नु परे पनि बुद्धि लगाउँदा लक्ष्य पहिल्याउन सकिने छ । अर्थ अभावले सताउने योग छ । विगतको श्रमबाट भने लाभ नै हुनेछ । सन्तान पक्षबाट सुख प्राप्त हुनेछ । रसरागमा आकर्षण रहला ।
