![Ghatana](https://www.sutranews.com/wp-content/uploads/2024/07/Ghatana.jpg)
![कुखुरा फार्मभित्र सञ्चालकको हत्या, काम गर्ने श्रीमान्-श्रीमती फरार](https://www.sutranews.com/wp-content/uploads/2024/07/Ghatana.jpg)
काठमाडौं । मोरङको सुन्दरहरैँचामा कुखुरा फार्मभित्र सञ्चालकको हत्या भएको छ ।
बिहीबार बिहान सुन्दरहरैँचा नगरपालिका ९ का ४९ वर्षीय सहदेव बजगाईंको हत्या गरेको अवस्थामा शव फेला परेको मोरङ प्रहरी प्रमुख प्रहरी उपरीक्षक नवराज कार्कीले जानकारी दिए ।
घरनजिकै कुखुरा फार्म सञ्चालन गर्दै आएका बजगाईंको फार्मभित्र बिहान करिब साढे १० बजे शव भेटिएको प्रहरीले जानकारी दिएको हो । उनको टाउको र शरीरका भागमा गहिरो चोट देखिएको छ ।
मृतकको शरीरमा बञ्चरो र दाउले प्रहार गरेजस्तो चोट देखिएको कार्कीले बताए । उनको खुकुरा फार्ममा काम गर्न श्रीमान्-श्रीमती बस्दै आएका थिए । घटनापछि दुवै जना फरार छन् । उनीहरूको खोजी भइरहेको छ ।
मृतकको शव पोष्टमार्टमका लागि अस्पताल पठाएर घटनाको अनुसन्धान थालिएको कार्कीले बताए ।