काठमाडौं । प्रधानमन्त्री पुष्पकमल दाहाल ‘प्रचण्ड’ले नेपाली कांग्रेस–नेकपा एमाले मिल्दैमा स्थिर सरकार बन्न नसक्ने बताए । उनले २०४७ सालदेखि ०६३ सालसम्मको १६ वर्षको अवधिमा १५ वटा सरकार बनाउने कांग्रेस र एमालेले स्थायी सरकार बनाउन नसक्ने बताए ।
‘२०४७ देखि ०६३ सम्मको १६ वर्षमा कांग्रेस र एमालेले १५ वटा सरकार बनाउने तपाईंहरू नै होइन, स्थिरता आयो त ?,’ प्रधानमन्त्री प्रचण्डले भने, ‘संविधान संशोधन गर्ने हो भने आउनुहोस् छलफल गरौँ, कार्यकारी राष्ट्रपतिमा जाऔँ ।’
प्रतिनिधिसभामा विश्वासको मतसम्बन्धि प्रस्ताव पेश गर्दै कांग्रेस र एमालेलाई लक्षित गर्दै संविधान संशोधन नै गर्ने हो भने छलफल गर्न आग्रह गरेका हुन् ।
प्रधानमन्त्री प्रचण्डले राष्ट्रियसभाको सबैभन्दा ठूलो दल माओवादी केन्द्रबिना संविधान संशोधन कसरी गर्नु हुन्छ ? भन्दै प्रश्न गरेका थिए ।
प्रतिक्रिया दिनुहोस्
