काठमाडौं । राजु गिरीको निर्देशनमा तयार भएको फिल्म ‘ईश्वर’को नयाँ गीत सार्वजनिक भएको छ।
आगामी साउन ११ गतेबाट रिलिज हुने फिल्मको ‘पुरा भयो सपना मेरो’ बोलको गीत शुक्रबार युट्युब मार्फत सार्वजनिक गरेको हो।
रवि ओड र बेनिशा पौडेलको स्वर रहेको सार्वजनिक गीतमा भीष्मराज फूलाराको शब्द र राजेन्द्र बजगाईंको संगीत छ । भिडियोमा फिल्मका मुख्य कलाकार ध्रुव थापा र कृष्टि गुरुङ प्रस्तुत छन्। गीतले उनीहरुको एकअर्काप्रति प्रेम र समर्पणको भाव व्यक्त गर्छ ।
फिल्ममा ध्रुव थापा, सुनिल थापा, बुद्धि तामाङ, अनु शाह, सबिन बास्तोला, माओत्से गुरुङ, पृथ्वीराज प्रसाई, रविन्द्र झा, कृष्टि गुरुङ, पृथ्वीराज प्रसाईं, शिशिर वाङ्देल, गीता अधिकारी, कृष्टि गुरुङलगायतका कलाकारको अभिनय छ ।
दिव्या कंगना फिल्मसको ब्यानरमा निर्माण भएको फिल्ममा हरिबहादुर थापाको निर्माण छ । फिल्ममा भोजराज देवकोटाको पटकथा तथा संवाद छ । फिल्ममा लक्ष्मी कुँवर थापा प्रस्तुतकर्ता छिन् ।
फिल्ममा अर्जुन पोखरेलको संगीत, कविराज गहतराजको कोरियोग्राफी रहेको छ । फिल्ममा रामेश्वर हुँमागाईको छायांकन र देव महर्जनको द्वन्द्व निर्देशन रहेको छ । फिल्मको वितरण आरआर फिल्मसले गर्दैछ ।
