काठमाडाैं । नेपाली बजारमा आज सुनको मूल्यले नयाँ रेकर्ड बनाएकाे छ । बुधबार सुनको मूल्य हालसम्मकै उच्च बिन्दुमा पुगेकाे हाे ।
यसअघि मंगलबारमात्रै प्रतितोला ९ सयले बढ्दै नयाँ रेकर्ड कायम गरेको सुनको मूल्य आज प्रतितोला २ हजार रुपैयाँले बढेको हो । नेपाल सुनचाँदी व्यवसायी महासंघका अनुसार यसदिन छापावाला सुनकोे मूल्य प्रतितोला १ लाख ४९ हजार ८०० रुपैयाँ र तेजावी सुन प्रतितोला १ लाख ४९ हजार १०० रुपैयाँमा कायम भएकाे छ ।
विश्वका ठूला अर्थतन्त्र भएका देशका केन्द्रीय बैंकले मुद्रास्फीतिलाई वाञ्छित सिमाभित्र राख्न वचतको ब्याजदर स्थिर राख्ने प्रयास गर्दा विश्वभरका लगानीकर्ता तेल तथा सुनको क्षेत्रमा लगानी बढाउँदा तेल र सुनको मूल्य अन्तर्राष्ट्रिय रूपमै बढ्दा त्यसको स्वभाविक असर स्थानीय बजारमा देखिएको हो ।
साथै, चीन बाहेक विश्वभरका प्रमुख सेयर बजार अल टाइम हाइको उचाइमा पुग्दा सेयर लगानीकर्ता पनि कमोडिटी मार्केटतर्फ आकर्षित हुँदा खरिदमै चाप परेर पनि सुनको मूल्य बढेको विश्लेषण हुँदै आएको छ ।
