काठमाडौं । प्रतिनिधिसभाका सभामुख देवराज घिमिरेले संसदको गतिविधिलाई प्रभावकारी बनाउने विषयमा प्रमुख दलका प्रमुख सचेतकहरूसँग छलफल गरेका छन् ।
सिंहदरबारमा बिहीबार सभामुखले संसदको १५ दिनको क्यालेण्डर, विषयगत समितिका सभापति चयनका साथै प्रधानमन्त्रीको विश्वासको मतलगायत विषयमा छलफल गरेका हुन् ।
छलफलले आगामी १५ दिनको क्यालेण्डरलाई अन्तिम रुप दिएको एमालेका मुख्य सचेतक महेश बर्तौलाले जानकारी दिए ।
त्यस्तै, सदन र समितिमा रहेका विधेयकका विषयमा छलफल भएको उनको भनाइ थियो । छलफलमा सदन र संसदीय समिति बैठकलाई प्रभावकारी बनाउन सभामुख घिमिरेले आग्रह गरे ।
प्रतिक्रिया दिनुहोस्
