काठमाडौं । मोडल तथा नायिका नीति शाहले फिल्म ‘खजुरे ब्रो’बाट डेब्यु गरिन् । यो वर्षको वैशाख २८ गते रिलिज भएको फिल्म बक्स अफिसमा चलेन । कुनै समय डेब्युमै सकस भइरहेको अवस्थासँगै उनको फिल्मको भविष्य अन्योल झैँ रहेको थियो ।
यता ‘खजुरे ब्रो’बाट डेब्यु मिले पनि यो फिल्म नचलेपछि नीतिको करिअर अब के होला भन्ने प्रश्नहरू उठेका थिए । तर, यो फिल्म असफलताले उनलाई केही फरक परेको छैन । पछिल्लो पटक नीति धमाधम फिल्म साइन गरिरहेकी छिन् ।
केही समय अगाडि उनले साइन गरेर छायांकन नै हुन नसकेको भएपनि नीति हिजोआज निकै व्यस्त छिन्। उनको हातमा फिल्मको लाइनअप लामो बनेको छ । एकपछि अर्को फिल्ममा उत्कृष्ट काम गर्दै अगाडि जाने योजना बनाएकी उनले फिल्म ‘ज्वाइँसाब’ र ‘रुखान’ साइन गरिन् ।
‘ज्वाइँसाब’को हालै छायांकन सक्काएर प्रदर्शनको पर्खाइमा रहेकी छन् भने सविर श्रेष्ठको निर्देशनमा बन्ने ‘रुखान’ को छायांकन चाँडै सुरु गर्ने योजना निर्माण पक्षको छ ।
पहिलो फिल्म असफल भएपनि नीति फिल्म क्षेत्रमा सर्वाधिक माग भएकी नायिका बनिरहेकी छिन् । उनले यति बेला अर्को नयाँ फिल्म साइन गरेकी छन् ।
नीतिले हालै ओम प्रतिकले निर्देशन गर्न लागेको नयाँ फिल्म ‘मोहर’ नीतिले साइन गरेकी हुन् । निर्माण पक्षले फिल्मको बारेमा अरू केही पनि बताएको छैन । फिल्ममा ओम प्रतिककै लेखन रहेको छ ।
फिल्म मेकर्स प्रालिको प्रस्तुतिमा तयार हुन लागेको यो फिल्मलाई चुम्बन जंग शाहीले निर्माण गर्न लागेका हुन् ।
यसै गरी नीतिले निर्देशक दिवाकर भट्टराईको निर्देशनमा बन्न लागेको अनटाइटल प्रोजेक्ट पनि साइन गरेकी छिन् । यता उनले अर्को एक नाम चलेको ब्यानरको फिल्म पनि साइन गरेको बुझिएको छ । यो विषयमा नीतिले केही पनि बताएकी छैनन् । यसरी हेर्दा नीतिको हातमा फिल्मको लाइनअप बलियो देखिएको छ ।
