काठमाडौं । पाकिस्तान क्रिकेट बोर्डले बाबर आजम, शाहिन शाह अफ्रिदी र मोहमद रिजवानलाई क्यानडामा हुने ग्लोबल टी २० खेल्न रोकेको छ ।
उनीहरूले मागेको नो अब्जेक्सन पत्र दिन अस्वीकार गर्दै बोर्डले पाकिस्तानको आगामी आठ महिनामा राष्ट्रिय टिमको व्यस्त तालिका भएकाले पत्र नदिने निर्णय गरेको स्पष्ट गरेको छ ।
बोर्डले आगामी आठ महिनामा पाकिस्तानले १४ एक दिवसीय, ९ टी २० र ९ टेस्ट खेल खेल्ने तालिका रहेको तथा आगामी वर्ष च्याम्पियन्स ट्रफीसमेत खेल्ने तालिका रहेको जनाएको छ ।
यसअघि बोर्डले बलर नसीम शाहलाई पनि फ्रेन्चाईजी लिग खेल्न अनुमति दिन अस्वीकार गरेको थियो । बोर्डले आसिफ अली, इफ्तिखार अहमद, मोहमद आमिर र मोहमद नवाजलाई भने ग्लोबल टी २० खेल्न अनुमति दिएको छ ।
प्रतिक्रिया दिनुहोस्
