काठमाडौं । अमेरिकी दूतावासलाई लेखिएको पत्र विवादबारे नेपाली कांग्रेसले उपसभामुख इन्दिरा राना मगरमाथि छानबिन गर्न माग गरेको छ । आइतबार बसेको प्रतिनिधिसभाको बैठकमा नेपाली कांग्रेसका सांसद रामहरि खतिवडाले उपसभामुखको पत्राचारले गम्भीर प्रश्न उठाएको भन्दै छानबिनका लागि माग गरे ।
उनले आफूमाथि छानबिनका लागि पनि मार्ग प्रशस्त गर्न उपसभामुखलाई आग्रह गरेका छन् । संसदसँग साइनो नभएका, उपसभामुखसँग पनि चिनजान नभएकाको सन्दर्भमा किन पत्राचार गरियो भनि खतिवडाले प्रश्न गरेका छन् ।
उनले उपसभामुखले संसदको मर्यादामाथि खेलवाड गरेको बताए ।
“यस्तो अवस्थामा उपसभामुखले संसदको कमाण्ड गर्न सुहाउँछ कि सुहाउँदैन ?”, खतिवडाले प्रश्न गरेका छन्, “भिसा सहजीकरणको कन्सल्टेन्सी उपसभामुख र संसद हुन सक्दैन ।”
प्रतिक्रिया दिनुहोस्
