![Hari Bamsha](https://www.sutranews.com/wp-content/uploads/2024/07/Hari-Bamsha-.jpg)
![कलाकार हरिवंश आचार्य अस्पताल भर्ना](https://www.sutranews.com/wp-content/uploads/2024/07/Hari-Bamsha-.jpg)
काठमाडौं । वरिष्ठ हास्य कलाकार हरिवंश आचार्य अस्पताल भर्ना भएका छन् । नाकबाट रगत बगेपछि उनी विराटनगरस्थित अस्पतालमा भर्ना भएका हुन् ।
विराटनगरको हिमगिरी हाइजिङको ब्राण्ड एम्बेस्डर बन्न सहमति पत्रमा हस्ताक्षर गर्न आचार्य महजोडीका अर्का कलाकार मदनकृष्ण श्रेष्ठसँग विराटनगर पुगेका थिए ।
आचार्यको अवस्था सामान्य भइसकेको छ । उनी बिरामी भएपछि उनलाई भेट्नेहरुको अस्पतालमा घुइँचो लागेको थियो । कोशी प्रदेशका मुख्यमन्त्री हिक्मतकुमार कार्कीसमेत आचार्यलाई भेट्न पुगेका थिए ।