काठमाडौं । नायक सुशील श्रेष्ठको मुख्य भूमिका रहेको फिल्म ‘आउट-लः दफा २१९’ को टिजरमा सार्वजनिक भएको छ ।
फस्टलुकबाटै चर्चा रहेको फिल्मको सोमबार सार्वजनिक भएको टिजर एक्सन र सस्पेन्सले भरिएको देख्न सकिन्छ । टिजरमा फिल्मको कथावस्तुको सामान्य जानकारी मात्र दिन खोजेको छ जसमा उच्च मेकिङ र आकर्षक ब्याक ग्राउन्ड म्युजिकका साथ तयार पारिएको छ।
टिजरमा सुशीलको इन्ट्री गज्जब को देखाइएको छ। उनको एङ्ग्री अवतारले दर्शकको मन जित्ने देखिन्छ । यो फिल्मले उठाएको कथावस्तु दर्शकका लागि पनि विशेष हुने यसको निर्माण पक्षको दाबी छ ।
संविधान दिवसको दिन अर्थात् असोजको ३ गतेबाट रिलिजमा आउन लागेको फिल्म सुशीलका लागि विशेष बन्ने देखिएको छ । यो फिल्मको सार्वजनिक टिजर उनको एङ्ग्री एक्सन अवतारले यस्तै सङ्केत गरेको देखिन्छ ।
विक्की महर्जनको लेखन तथा निर्देशनमा तयार भएको यो फिल्ममा अमित अग्रहरि निर्माताको रूपमा छन् । विनोद कठायत कार्यकारी निर्माता रहेको फिल्ममा विकास चौधरी सह-निर्माताको रूपमा छन् ।
फिल्ममा नविन गुरुङको डीओपी, चुल्ठे काजीको एक्सन निर्देशन, साहिल खानको सम्पादन छ ।
यो फिल्ममा सुशीलका साथै नरेश पौडेल, शिक्षा सङ्ग्रौला, सुमन भण्डारी, हेम गुरुङ, सोनी लागुन, विशाल पहारी लगायतका कलाकारहरूको अभिनय छ ।
