भारतीय बक्स अफिसमा अहिले धेरै ठूला स्टारका फिल्म हलमा प्रदर्शन भइरहेका छन् । एक्सनदेखि लिएर कमेडी फिल्मसम्म दर्शकलाई मनोरञ्जन दिइरहेका छन् ।
बलिउडमा अभिनेता विक्की कौशलको फिल्म ‘ब्याड न्युज’ हालै हलमा प्रदर्शन भएको हो । फिल्मले सप्ताहन्तमा राम्रो कमाइ गरे पनि पहिलो सोमबारको कमाईको हिसाबले असफल साबित भयो। यसैबीच, ‘कल्की २८९८ एडी’ले दर्शकको मन जितिरहेको छ । यी दुई बाहेक फिल्म ‘इन्डियन २’, ‘सरफिरा’ र ‘किल’ प्रदर्शन भइरहेका छन् । यी सबै फिल्मले सोमबार बक्स अफिसमा कस्तो कमाइ गरे जानौं ।
ब्याड न्युज
विक्की कौशल, तृप्ति डिमरी र एमी विर्क स्टारर फिल्म ‘ब्याड न्युज’लाई दर्शकले रुचाइरहेका छन् । फिल्मले दर्शकबाट सकारात्मक प्रतिक्रिया पाएको छ । फिल्मले विन्डोमा राम्रो ओपनिङ गरेको थियो । तर पहिलो सोमबार फिल्मको कमाईमा भारी गिरावट आएको छ । ब्याड न्युजले आइतबार तेस्रो दिन ११ करोड कमाएको थियो । योसँगै सोमबार अर्थात चौथो दिन फिल्मले ३.५ करोड कमाएको छ । यससँगै यसले कुल ३३.२ करोड रुपैयाँ संकलन गरेको छ ।
इन्डियन २
कमल हासन अभिनित ‘इन्डियन २’ लाई लिएर दर्शकमा कुनै उत्साह देखिएको छैन । फिल्मको कथाले दर्शकलाई हलसम्म तान्न सकेको छैन । इन्डियन २ को कमाई दिनानुदिन घटिरहेको छ । इन्डियन २ ले सोमबार अर्थात् ११ औं दिन १.१६ करोडको व्यापार गरेको छ । फिल्मको कुल कमाई ७६.८१ करोड पुगेको छ ।
सरफिरा र किल
बलिउड अभिनेता अक्षय कुमारको फिल्म ‘सरफिरा’बाट पनि आशा टुटेको देखिन्छ । साताको अन्त्यमा फिल्मको कमाईमा केही सुधार देखिएको छ तर विन्डोमा फेरी झट्का लाग्यो । सरफिराले ११ औँ दिन २२ लाख कमाई हालसम्म २१ करोड ४२ लाख रुपैयाँ कमाएको छ । योसँगै निखिल नागेश भट्ट निर्देशित एक्सन फिल्म ‘किल’ पनि कमाईको हिसाबले सुस्त गतिमा अगाडि बढिरहेको छ । फिल्मले १८ औं दिनमा ३० लाख कमाएको छ । योसँगै फिल्मले हालसम्म २०.४५ करोडको व्यापार गरेको छ ।
कल्की २८९८ एडी
दक्षिण भारतीय अभिनेता प्रभास, दीपिका पादुकोण, अमिताभ बच्चन, कमल हासन र दिशा पटानी जस्ता स्टारहरुको अभिनय रहेको कल्कि २८९८ ले अझै पनि दर्शकको मन जितिरहेको छ । फिल्मले सुरुदेखि नै राम्रो कमाई गरिरहेको छ । तर, समयसँगै फिल्मको कमाइ सुस्त हुँदै गएको छ । ‘कल्की २८९८ एडी’ले २६ औँ दिन २ करोड कमाएको छ । योसँगै फिल्मको घरेलु बक्स अफिसमा कुल कमाई ६१८.८५ करोड पुगेको छ ।
