![Nic-asia-bank](https://www.sutranews.com/wp-content/uploads/2022/01/Nic-asia-bank.jpg)
![स्थायी लेखा नम्बर अद्यावधिक गर्न एनआईसी एशिया बैंकको आग्रह](https://www.sutranews.com/wp-content/uploads/2022/01/Nic-asia-bank.jpg)
काठमाडाैं । एनआईसी एशिया बैंकले ग्राहकलाई आफ्नो खातामा स्थायी लेखा नम्बर (प्यान) अध्यावधिक गर्न आग्रह गरेको छ ।
ग्राहकको खाताबाट गरिएको करकट्टीको विवरण ‘आयकर ऐन २०५८’ बमोजिम नेपाल सरकार, अर्थ मन्त्रालय, आन्तरिक राजस्व विभागमार्फत जारी गरिएको स्थायी लेखा नम्बर प्रणालीमा आबद्ध गर्नुपर्ने भएकोले वेबसाइट वा मोबाइल बैंकिङ एपबाट प्यान अद्यावधिक गर्न कम्पनीले आग्रह गरेको हो ।
आफूलाई पायक पर्ने जुनसुकै शाखा कार्यालयबाट समेत प्यान अद्यावधिक गर्नका लागि आवेदन दिन सकिने कम्पनीले बताएको छ ।
बैंकबाट निक्षेपकर्ताको ब्याज भुक्तानी बापत काटिएको करलाई ई-टीडीएस रेकर्डमा जनाउनका लागि प्यान अत्यावश्यक रहेको कम्पनीको भनाइ छ ।
उक्त प्यान अद्यावधिक भएपछि ग्राहकको करकट्टीको विवरण सो प्यानमा प्रविष्ट गरिने हुँदा आयकरको प्रणालीले स्वचालित रुपमा अनुसूची(१) मा करकट्टीको विवरण मिलान गर्ने पनि कम्पनीको भनाइ छ ।
जसले गर्दा ग्राहक करकट्टी प्रमाणपत्र र कर चुक्ता प्रमाणपत्र प्राप्त गर्न सहज हुनुका साथै प्रमाणपत्र लिन बैंकसम्म धाउनुपर्ने अवस्थाको समेत अन्त्य हुने विश्वास कम्पनीले लिएको छ ।