![Nepal-India](https://www.sutranews.com/wp-content/uploads/2024/07/Nepal-India.jpg)
![महिला एशिया कप- नेपाल भारतसँग पराजित हुँदै बाहिरियो](https://www.sutranews.com/wp-content/uploads/2024/07/Nepal-India.jpg)
काठमाडौं । नेपाल जारी महिला एशिया कपबाट बाहिरिएको छ । समुह चरणको अन्तिम खेलमा नेपाल भारतसँग ८२ रनले पराजित भएसँगै बाहिरिएको हो ।
भारतले दिएको १७९ रनको लक्ष्य पछाएको नेपालले २० ओभरमा ९ विकेट फुमाउँदै ९६ रन बनाएको थियो । नेपालका लागि सिता राना मगरले सर्वाधिक १८ रन बनाएकी थिइन् भने रुविना क्षेत्रीले १५ र कप्तान इन्दु बर्माले १४ रन बनाएकी थिइन् ।
यसअघि टस जितेर पहिला ब्याटिंग गरेको भारतले २० ओभरमा ३ विकेट गुमाउँदै १७८ रन बनाएको थियो । भारतका लागि सेफाली बर्माले सर्वाधिक ८१ रन बनाएकी थिइन् भने दयालान हेमालताले ४७ रन बनाएकी थिइन् । त्यस्तै जेमीनाह रोड्रीगेजले २८ र संजीवन सजनाले १० रन बनाएकी थिइन् ।
त्यसैगरी नेपाली बलर सिता राना मगरले २ र कविता जोशीले एक विकेट लिएकी थिइन् । यो जितसँगै भारतले समुह चरणमा लगातार तीन खेल जितेर समूह विजेता हुँदै सेमिफाइनलमा पुगेको छ । पाकिस्तान उपविजेता हुँदै सेमिफाइनलमा पुगेको छ ।
समूह एबाट नेपालले ३ खेलमा एक खेल जितेर २ अंकसहित तेस्रो हुँदै बाहिरिएको छ । समूह एबाट युएईले तिनै खेलमा हार बेहोरेर बाहिरिएको छ ।