![Surya_Air_Crash_pic](https://www.sutranews.com/wp-content/uploads/2024/07/Surya_Air_Crash_pic.jpg)
![विमान दुर्घटनामा राष्ट्रिय झण्डा आधा झुकाउने, छानबिन गर्न आयोग गठन](https://www.sutranews.com/wp-content/uploads/2024/07/Surya_Air_Crash_pic.jpg)
काठमाडौं । सौर्य एयरलाइन्सको विमान दुर्घटनाबारे जाँचबुझ गरी दुर्घटनाको कारण पत्ता लगाउन सरकारले पाँच सदस्यीय आयोग गठन गर्ने निर्णय गरेको छ ।
आयोगको संयोजक नेपाल नागरिक उड्डयन प्राधिकरणका पूर्वमहानिर्देशक रतिशचन्द्रलाल सुमन हुने भएका छन् । त्यसैगरी सदस्यहरूमा दिपुराज ज्वारचन, डा. सुदिप भट्टराई सञ्जय अधिकारी र सदस्य सचिवमा मुकेश डंगोल रहेका छन् ।
सरकारका प्रवक्ता पृथ्वी सुब्बा गुरुङका अनुसार आयोगलाई जाँचबुझ गरी ४५ दिनभित्र प्रतिवेदन बुझाउन कार्यदेश दिएको छ ।
यस्तै, विमान दुर्घटनामा मृत्यु भएकाहरूको शोकमा भोलि, बिहीबार राष्ट्रिय झण्डा आधा झुकाउने निर्णय गरेको छ । बुधबार बसेको मन्त्रिपरिषद्को आकस्मिक बैठकले शोक मनाउने निर्णय गरेको हो ।
बुधबार बिहान पोखरा जान उडेको सौर्य एयरलाइन्सको जहाज त्रिभुवन विमानस्थलमा दुर्घटना हुँदा १८ जनाको मृत्यु भएको थियो । एक जना घाइते भएका थिए ।