![sutranews_logo_photo](https://www.sutranews.com/wp-content/uploads/2023/09/sutranews_logo_photo.jpg)
![करेण्ट लागेर तीन जनाको निधन](https://www.sutranews.com/wp-content/uploads/2023/09/sutranews_logo_photo.jpg)
काठमाडौं । उदयपुर र झापामा करेण्ट लागेर तीन जनाको निधन भएको छ । उदयपुरको उदयपुरगढी गाउँपालिका ६ ओदाले बस्ने २६ वर्षीय राजीव कुमार मगरको करेण्ट लागेर बुधबार दिउँसो निधन भएको हो ।
सोही ठाउँस्थित घिजहरी खोलाबाट आफ्नै खेतमा पानी लगाउने क्रममा विद्युतीय मोटरको तार सर्ट भई करेण्ट लागेर उनको मृत्यु भएको हो ।
यता झापाको मेचीनगर नगरपालिका १२ धिमाल टोल माझगाउँ बस्ने पाँचथर फिदिम नगरपालिका २ घर भएका ३० वर्षीय सन्दीप तुम्बाम्फोको करेण्ट लागेर बुधबार साँझ मृत्यु भएको छ ।
यसैगरी, झापाको कचनकवल गाउँपालिका ४ केचना बस्ने ललन साहको छोरा १५ वर्षीय विशाल साहको करेण्ट लागेर बुधबार राति मृत्यु भएको छ ।