![lp-joshi](https://www.sutranews.com/wp-content/uploads/2024/07/lp-joshi.jpeg)
![लोकगायक एलपी जोशीको निधन](https://www.sutranews.com/wp-content/uploads/2024/07/lp-joshi.jpeg)
काठमाडौं । लोकगायक लक्ष्मीप्रसाद (एलपी) जोशीको निधन भएको छ । ८८ वर्षीय गायक जोशीको बिर्तामोडस्थित अस्पताल लैजाँदै गर्दा बिहीबार साँझ झापामा निधन भएको हो ।
परिवार स्रोतका अनुसार जोशी बेलुकीको खाना खाए पछि अकस्मात् बेहोस भएका थिए । अस्पताल पुर्याए लगत्तै उनलाई चिकित्सकले मृत घोषणा गरेका हुन् ।
गायक जोशी लामो समयदेखि मधुमेह रोगबाट पीडित थिए । २०१३ सालमा रेडियो नेपालमा पहिलो गीत रेकर्ड गराएका उनले २०२२ देखि २०२९ सालसम्म रेडियो नेपालमा जनकवि केशरी धर्मराज थापासँग काम गरेका थिए ।
गायक जोशीका ‘रिटिङ रिटिङ नबजाउ बिनायो’, ‘वल्लो खोलो हो पल्लो खोलो कमिलाको गोलो’ ‘निगालो घारीमा च्याखुरा नाच्यो’, ‘कान्छी मट्याङमट्याङ्’ र ‘खिपीमा खिपी बिनायो बाजा’जस्ता गीतहरू चर्चित छन् ।
शुक्रबार ११ बजे झापाको कन्काई माईमा जोशीको दाहसंस्कार गरिने जनाइएको छ ।