![Samiti-Rabi](https://www.sutranews.com/wp-content/uploads/2024/06/Samiti-Rabi.jpg)
![सहकारी ठगीबारे छानबिन समितिले गृह मन्त्रालयसँग छलफल गर्ने](https://www.sutranews.com/wp-content/uploads/2024/06/Samiti-Rabi.jpg)
काठमाडौं । सहकारी संस्था बचत रकम दुरुपयोग संसदीय छानबिन विशेष समितिले गृह मन्त्रालयसँग छलफल गर्ने भएको छ ।
सिंहदरबारमा शुक्रबार बसेको समिति बैठकले आगामी बैठकमा गृहमन्त्री र मन्त्रालयका अन्य अधिकारीसँग छलफल गर्ने निर्णय गरेको हो ।
सहकारी ठगी प्रकरणमा जोडिएर देश बाहिर रहेकालाई स्वदेश फर्काउन भइरहेका पहलबारे गृह मन्त्रालयसँग छलफल गर्न लागिएको समिति संयोजक सूर्य थापाले जानकारी दिए ।
शुक्रबारको बैठकमा समितिले तीन जना पूर्व अर्थमन्त्रीहरुसँग छलफल गरेको थियो । यस क्रममा उनीहरुले सहकारीमा देखिएको समस्या र समाधानका सुझाव दिएको समिति संयोजक थापाले बताए ।
संयोजक थापाले सहकारी ठगी प्रकरणका विषयमा कुनै जानकारी भए समितिमा अवगत गराउन पनि आग्रह गरे ।