पोखरा । पोखरामा भएकाे स्कुल बस दुर्घटनामा एक जनाको मृत्यु भएको भने ३० जना घाइते भएका छन्। दुर्घटनामा परी बसकी सहचालक आरती विकको मृत्यु भएको प्रहरीले जनाएको छ ।
उनको उपचारको क्रममा गण्डकी मेडिकल कलेजमा मृत्यु भएको हाे ।
दुर्घटनामा २९ विद्यार्थीसहित ३० जना घाइते छन् । उनीहरुको गण्डकी मेडिकल कलेज, मणिपाल र पोखरा स्वास्थ्य विज्ञान प्रतिष्ठानमा उपचार भैरहेको प्रहरीले जनाएकाे छ ।
प्रहरीले जनाएअनुसार घाइते भएका विद्यार्थीको अवस्था सामान्य छ। उक्त बसमा एलपी देवकोटा मेमोरियल इङ्लिस स्कुलका विद्यार्थी सवार थिए।