काठमाडौं । निर्वाचन आयुक्तमा प्रस्तावित कृष्णमान प्रधानबारे निर्णय लिन संघीय संसद्को संसदीय सुनुवाइ समिति बैठकको समय सारिएको छ ।
बिहान साढे ११ बजेका लागि बोलाइएको व्यस्तता देखाउँदै साँझ ५ बजे बस्ने गरी बोलाइएको संसद सचिवालयले जानकारी दिएको छ । बैठकले प्रस्तावित आयुक्त प्रधानलाई अनुमोदन गर्ने वा नगर्ने भन्ने विषयमा निर्णय लिने छ ।
प्रधानमाथि महिलालाई यौन शोषण गरेको आरोप छ । पीडित महिलाले समितिमा आएर बयान दिएकी थिइन् । उनले उजुरी पनि दिएकी थिइन् । सुनुवाइका क्रममा प्रधानले महिलासँगको विवाद अदालतमा मिलिसकेको बताएका थिए ।
यौन शोषण जस्तो गम्भीर आरोप लागेको व्यक्तिलाई संवैधानिक आयोगमा नियुक्त गर्न नहुने भन्दै चौतर्फी विरोध भएको अवस्थामा समितिले आज निर्णय लिन लागेको छ ।
प्रतिक्रिया दिनुहोस्
