जंक फुडको प्रयोग आजकाल निकै बढेको छ । कारण यस्ता खानेकुराहरू जति सजिलोसँग पाइन्छन् ।
व्यस्त जीवनशैलीमा छोटो समयमा नै छिटो तयार पार्न सकिने खानेकुराहरुको प्रयोग निकै बढिरहेको छ । समयको अभावका कारण हिजोआज मानिसहरुमा फ्रोजन फुडस, प्याकफुडस र जंक फुडसतर्फ बाध्यकारीरुपमै आकर्षित देखिन्छन् ।
तर, सोच्नुपर्ने विषय, यस्ता खानेकुरा स्वास्थ्यका लागि कति फाइदाजनक छन् ? कतै यी खानाको प्रयोगले तपाईँको स्वास्थ्यलाई हानी त पु¥याइरहेका छैनन् ?
विज्ञहरुका अनुसार यस्ता खानेकुरा तपाईंको स्वास्थ्यका लागि निकै हानिकारक छन् । यस्ता खानेकुराको प्रयोगले शरीरमा थुप्रै खालका समस्याहरु देखिने विज्ञहरुको भनाई छ ।
पछिल्लो समय बढ्दो मोटोपना, हृदयाघात, क्यान्सर र मधुमेहजस्ता रोगको कारण नै फ्रिजमा राखिएको खाना भएको विज्ञहरु बताउँछन् ।
फ्रोजन खानामा स्टार्च र ग्लुकोजको मात्रा बढी हुन्छ। तपाईको जानकारीको लागि, हामी तपाईलाई बताउछौं कि फ्रोजन र संरक्षित खाना ताजा राख्न धेरै प्रकारका केमिकलहरू प्रयोग गरिन्छ। यी सबै कुराले फ्रोजन फूड खानालाई खतरनाक बनाउँछ। जसले थुप्रै खालका रोगलाई निम्त्याउने विज्ञहरु बताउँछन् ।
के–के रोगको जोखिम ?
मधुमेहको जोखिम
यस्तो खानालाई ताजा राख्न स्टार्चको प्रयोग गरिन्छ। यो स्टार्चले खानाको स्वाद बढाउँछ तर, पचाउन गाह्रो हुन्छ। यस्तो खाना खाँदा शरीरले ग्लुकोजलाई चिनीमा परिणत गर्छ । अत्यधिक चिनीले मधुमेहको जोखिम बढाउँछ। जसका कारण शरीरका तन्तुहरु पनि बिग्रन्छ ।
मुटुका लागि खतरनाक
यस्तो खाना खाँदा मुटु रोगको जोखिम बढ्छ । फ्रोजन फूडमा ट्रान्स फ्याटको मात्रा बढी हुन्छ जसले धमनीमा जम्ने समस्या बढाउँछ। ट्रान्स फ्याटले शरीरमा खराब कोलेस्ट्रोल बढाउँछ र राम्रो कोलेस्ट्रोल घटाउँछ। यसले हृदयाघातको जोखिम निकै बढाउँछ। साथै यस्ता खानेकुरामा सोडियमको मात्रा बढी हुन्छ जसले रक्तचाप बढाउँछ ।
मोटोपना बढ्छ
जमेको खानामा बोसोको मात्रा धेरै हुन्छ, जसले शरीरमा मोटोपना बढाउँछ । यस प्रकारको खानेकुरामा पौष्टिक तत्व प्रशस्त हुने भनिएपनि डाक्टरहरुले यसलाई स्वास्थ्यका लागि स्लो पोइजन मानेका छन् ।
यस खानामा पाइने बोसोमा कार्बोहाइड्रेट वा प्रोटिनको तुलनामा दोब्बर क्यालोरी हुन्छ। यदि तपाईंले ज्ञ कप फ्रोजन चिकन खानुभयो भने, यसले लगभग ६०० क्यालोरी दिन्छ।
क्यान्सरको जोखिम
यस्तो खानेकुरा बढी खाने मानिसमा क्यान्सरको जोखिम बढी हुन्छ । धेरै अनुसन्धानहरूले देखाएको छ कि जमेको खाना, विशेष गरी जमेको मासु खाँदा प्यान्क्रियाटिक क्यान्सरको जोखिम बढ्छ।
एक अध्ययनका अनुसार फ्रोजन स्पाइसी ननवेज, हट डग र सस खाँदा क्यान्सरको जोखिम ६५ प्रतिशतले बढ्छ । एजेन्सीको सहयोगमा
