काठमाडौं । भरतपुर महानगर १ पोखरा बसपार्कमा मोटरसाइकल र कार ठोक्किँदा सैनिक जवानको मृत्यु भएको छ ।
नेपाली सेनाको नम्बर २ विपद् व्यवस्थापन गण रसौलीमा कार्यरत २७ वर्षीय सिपाही निगम नेपाली सार्कीको मृत्यु भएको हो । सोही गणमा कार्यरत २६ वर्षीय दिनेश थापा गम्भीर घाइते भएको प्रहरीले जनाएको छ ।
गएराति बसपार्कबाट रामनगरतर्फ गइरहेको कारले विपरीत दिशाबाट आइरहेको मोटरसाइकललाई ठक्कर दिँदा घटना भएको हो । घटनामा घाइते दुवै जनाको चितवन मेडिकल कलेजमा उपचार भइरहेको थियो ।
उपचारका क्रममा सैनिक जवान सार्कीको मृत्यु भएको प्रहरीले जनाएको छ । अर्का सिपाहीको उपचार भइरहेको छ ।
प्रतिक्रिया दिनुहोस्
