काठमाडौं । फिल्म ‘रावायण’ को फस्टलुक सार्वजनिक भएको छ । तीजको अवसर पारेर भदौ २१ गतेदेखि प्रदर्शन हुने फिल्मको सार्वजनिक फस्टलुकमा यसका मुख्य नायक पल शाह फिचर्ड छन् ।
दर्शकमाझ कौतुहलता पैदा गर्ने देखिएको फस्टलुकमा पललाई केही रिसाएको भावमा दाह्रीजुँगामा देख्न सकिन्छ ।
सुदर्शन थापा को निर्देशन रहेको फिल्ममा पल शाह, पुजा शर्मा, प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदिप ढकाललगायतको अभिनय छ । फिल्मको टिजर यही शुक्रबार सार्वजनिक हुँदैछ ।
सुदर्शन थापा प्रोडक्शन र पुजा शर्मा प्रोडक्शनको संयुक्त व्यानरमा बनेको फिल्मकी निर्माता पुजा शर्मा हुन् । फिल्ममा सुशन पाठक कार्यकारी निर्माता छन् ।
शिवम अधिकारीको लेखन रहेको फिल्ममा प्रदीप श्रीवास्तवको पटकथा, सौरभ लामाको छायांकन, मिलन श्रेष्ठको सम्पादन, निरज सिंह, रेवन आरती सिंहको संगीत, नकासा अजिज, कुनाल गान्जावाला, सोनु कक्करको स्वर, डा. कृष्णहरि बराल र प्रदीप श्रीवास्तवको शब्द, विक्रम स्वार र रामजी लामिछानेको कोरियोग्राफी रहेको छ ।
फिल्ममा श्री श्रेष्ठको एक्सन, समीर मियाँको भीएफएक्स, राजेन्द्र मोक्तानको कलर र विजय बस्यालको पोस्टर डिजाइन छ ।
डिजिटल पार्टनरको रुपमा ओएसआर डिजीटल रहेको फिल्मको वितरण आरआर फिल्मसले गर्ने भएको छ।
