काठमाडौं । नेपाली बजारमा सुनको मूल्यमा भारी वृद्धि भएको छ । नेपाल सुन चाँदी व्यवसायी महासंघका अनुसार आज नेपाली बजारमा सुनको मूल्य १६ सय रुपैयाँले वृद्धि भएको हो ।
महासंघका अनुसार मूल्य वृद्धि भएसँगै बिहीबार छापावाला सुनको मूल्य प्रतितोला एक लाख ४९ हजार ४०० रुपैयाँ कायम भएको छ । यसअघि बुधबार प्रतितोला एक लाख ४७ हजार ८०० रुपैयाँमा कारोबार भएको थियो ।
त्यस्तै आजका लागि तेजावी सुनको मूल्य प्रतितोला १६ सय रुपैयाँले बढेर एक लाख ४८ हजार ७०० रुपैयाँ कायम भएको छ । बुधबार स्थानीय बजारमा तेजावी सुनको मूल्य प्रतितोला एक लाख ४७ हजार एक सय रुपैयाँ कायम भएको थियो ।
यस्तै, आज चाँदीको मूल्य एक हजार ८०० रुपैयाँ पुगेको छ । बुधबारको तुलनामा प्रतितोला २० रुपैयाँले वृद्धि भएको हो ।
प्रतिक्रिया दिनुहोस्
