काठमाडौं । नवलपुरमा नेपाली सेनाका जवानले आत्महत्या गरेका छन् । कावासोती नगरपालिका ७ बाँदरझुलास्थित नयाँ गोरख गण ‘ख’ गुल्म अमलटारी सेक्टरमा रहेको बाँदरझुला पोस्टमा कार्यरत सेनाका जवान २२ वर्षीय सुदीप मिजारले आत्महत्या गरेका हुन् ।
जिल्ला प्रहरी कार्यालय नवलपुरका अनुसार आज दिउँसो साढे १२ बजे मिजारले आफैँले बोकेको मिनी गनबाट घाँटीमा गोली हानेका हुन् ।
धादिङको गल्छी गाउँपालिका ४ घर भएका मिजारको श्री गोरख गण कसरामा दरबन्दी थियो । तर, हाल नयाँ गोरख गण ‘ख’ गुल्ममा कार्यरत थिए ।
प्रहरी अहिले घटनास्थलमा रहेको र घटनाको अनुसन्धान गरिरहेको जनाएको छ । अहिले घटनास्थलमा घटनाको मुचुल्का तयार पारी शव पोस्टमार्टमका लागि पठाइएको छ ।
प्रतिक्रिया दिनुहोस्
