काठमाडाैं । नेपाली बजारमा आज सुनचाँदीको मूल्य घटेको छ। अन्तर्राष्ट्रिय बजारलाई पछ्याउँदै गएको शुक्रबार मात्रै नयाँ कीर्तिमान कायम गरेको सुनको मूल्यमा साताको पहिलो कारोबार दिन आइतबार सामन्य गिरावट देखिएको छ ।
शुक्रबार प्रतितोला एक लाख ४९ हजार ९ सय रुपैयाँ पुगेर नयाँ रेकर्ड कायम गरेको सुनको मूल्य आज प्रतितोला २ सय रुपैयाँले घटेकाे नेपाल सुनचाँदी व्यवसायी महासंघले जनाएकाे छ । महासंघका अनुसार आज छापावाल सुन प्रतितोला एक लाख ४९ हजार सात सय रूपैयाँ र तेजाबी सुन प्रतितोला एक लाख ३७ हजार सात २५ सय रूपैयाँमा कारोबार भइरहेको छ।
शुक्रबार छापावाल सुन प्रतितोला एक लाख ४९ हजार नौ सय रूपैयाँ र तेजाबी सुन प्रतितोला एक लाख ३७ हजार नौ सय १० रूपैयाँमा कारोबार भएको थियो।
सुनकाे मूल्यसँगै आइतबार चाँदीको मूल्य पनि घटेकाे छ । यस दिन चाँदीको मूल्य प्रतितोला एक हजार सात सय ८५ रूपैयाँ पुगेको महासंघले जनाएकाे छ ।
शुक्रबार चाँदी प्रतितोला एक हजार सात सय ९५ रूपैयाँमा कारोबार भएको थियो।
आज अन्तर्राष्ट्रिय बजारमा भने सुन प्रतिऔंस २४ सय ४२ अमेरिकी डलरमा कारोबार भइरहेको छ।
