काठमाडौं । दाङमा टिप्परले ठक्कर दिँदा मोटरसाइकल चालकको मृत्यु भएको छ । घोराही उपमहानगर १५ का ३९ वर्षीय कुलबहादुर बस्नेतलाई टिप्परले ठक्कर दिँदा मृत्यु भएको छ ।
दाङ प्रहरीका अनुसार शुक्रबार बेलुका सवा ८ बजेतिर बस्नेतले चलाएको बा ५८ प ५६०५ नम्बरको मोटरसाइकललाई लु २ ख ५०८५ नम्बरको टिप्परले घोराही १० अम्राईमा ठक्कर दिएको थियो ।
टिप्पर घोराहीबाट तुलसीपुरतर्फ आउँदै थियो । मोटरसाइकल घोराहीतर्फ जाँदै थियो । ठक्करबाट गम्भीर घाइते भएका बस्नेतलाई उपचारका लागि राप्ती स्वास्थ्य विज्ञान प्रतिष्ठिान घोराही लगिएको थियो ।
उनको केही बेरमा मृत्यु भएको प्रहरीले जनाएको छ । टिप्पर र चालक प्रहरीको नियन्त्रणमा लिएर अनुसन्धान गरिरहेको छ ।
प्रतिक्रिया दिनुहोस्
