वाणिज्य बैंकहरुले कमाए ६४ अर्ब नाफा, प्रभु, कुमारी र प्राइमको नाफामा उछाल-Sutra News

वाणिज्य बैंकहरुले कमाए ६४ अर्ब नाफा, प्रभु, कुमारी र प्राइमको नाफामा उछाल

एक वर्षमा कुनले कति कमाए ? (सूचीसहित)

सुत्रन्यूज

सोमबार, २१ साउन २०८१

काठमाडौं । गत आर्थिक वर्ष २०८०/०८१ मा वाणिज्य बैंकहरुले करिब ६४ अर्ब १५ करोड रुपैयाँ खुद नाफा आर्जन गरेका छन् ।

बैंकहरुले सार्वजनिक गरेको विवरणअनुसार अघिल्लो आर्थिक वर्ष २०७९/०८० को तुलनामा नाफा १३.४० प्रतिशतले बढेको छ । आर्थिक वर्ष २०७९/८० मा वाणिज्य बैंकहरूले ५६ अर्ब ५७ करोड रुपैयाँ खुद नाफा गरेका थिए।

सार्वजनिक विवरणअनुसार गत आर्थिक वर्षमा १० बैंकको नाफा बढेको छ भने १० बैंकको नाफा घटेको छ । प्रभु बैंकको नाफामा उछाल (१४९९.०३ प्रतिशत) आउँदा दरका आधारमा सबैभन्दा बढी एनआइसी एसियाको (–६८.९१ प्रतिशत) घटेको छ ।

प्रभुसँगै कुमारी बैंक, प्राइम कमर्सीयल बैंक र कृषि बैंकले नाफामा सत प्रतिशतभन्दा बढी बृद्धि गराएका छन् । कुमारीको ३४५.६६ प्रतिशतले नाफा बृद्धि हुँदा प्राइमको २६७.१८ र कृषिको १७६.२३ प्रतिशतले बढेको छ ।

यद्यपि, सबैभन्दा बढी नाफा आर्जन गर्नेमा भने नबिल बैंक रहेको छ । गत आर्थिक वर्षमा १०.२२ प्रतिशतले नाफा बढाउँदै नबिलले कुल ७ अर्ब ६ करोड नाफा कमाएको छ । अघिल्लो आर्थिक वर्षमा नबिलले ६ अर्ब ४० करोड नाफा कमाएको थियो ।

नबिलपछि सबैभन्दा बढी ग्लोबल आइएमई बैंकले नाफा आर्जन गरेको छ । ग्लोबल आइएमईले कुल ६ अर्ब १ करोड नाफा कमाएको छ ।

यद्यपि, यो नाफा अघिल्लो आर्थिक वर्षको भन्दा १०.२३ प्रतिशत घटेको हो । अघिल्लो आर्थिक वर्षमा ग्लोबल आइएमई बैंकले ६ अर्ब ६९ करोड नाफा कमाएको थियो ।

कुनले कति कमाए नाफा ?

नबिल बैंक : ७ अर्ब ६ करोड (१०.२३ प्रतिशतले बृद्धि)

ग्लोबल आइएमई बैंक : ६ अर्ब १ करोड (१०.२३ प्रतिशतले घट्याे)

नेपाल इन्भेष्टमेन्ट मेगा बैंक : अर्ब १९ करोड (३९ प्रतिशतले बृद्धि)

प्रभु बैंक : ४ अर्ब ४० करोड (१४९९ प्रतिशतले बृद्धि)

प्राइम कर्सियल बैंक : ३ अर्ब ४५ करोड (२६७ प्रतिशतले बृद्धि)

कुमारी बैंक : २ अर्ब ३० करोड (३४६ प्रतिशतले बृद्धि)

कृषि विकास बैंक : ३ अर्ब ६५ करोड (१७६ प्रतिशतले बृद्धि)

लक्ष्मी सनराइज बैंक : ३ अर्ब ३ करोड (४० प्रतिशतले बृद्धि)

हिमालयन बैंक : २ अर्ब ८३ करोड (८१ प्रतिशतले बृद्धि)