काठमाडौं । काठमाडौंको त्रिभुवन अन्तर्राष्ट्रिय विमानस्थल नजिकै एक होटलमा आगलागी भएको छ । सिनामंगल–तिलगंगा सडक खण्डअन्तर्गत विमानस्थलको तत्लो गेट विपरिततर्फ रहेको सिटी होटेलमा आगलागी भएको हो ।
आगलागी भएपछि काठमाडौं महानगर र विमानस्थलको बारुणयन्त्रले नियन्त्रणमा लिएको थियो । आगलागीका कारण माथिल्लो तल्लामा रहेको गोदामका सामानहरु जलेर नष्ट भएको छ ।
होटल सञ्चालक भरत लामिछानले विद्युत सर्ट भई आगलागी भएको हुन सक्ने बताए । आगलागीको क्षतिको विवरण आउन बाँकी रहेको प्रहरीले जनाएको छ ।
प्रतिक्रिया दिनुहोस्
