काठमाडौं । परराष्ट्रमन्त्री डा. आरजु राणा देउवाले बङ्गलादेशमा रहेका नेपाली विद्यार्थीको सुरक्षामा सक्रिय हुन ढाकास्थित नेपाली दूतावासलाई निर्देशन दिएकी छन् ।
मन्त्री डा. राणाले ढाकास्थित नेपाली राजदूतसँग टेलिफोनमार्फत पछिल्लो अवस्थाबारे जानकारी लिएपछि नेपालीहरुको आवश्यक सुरक्षा तथा सहयोगमा लाग्न निर्देशन दिएकी हुन् ।
ढाकास्थित नेपाली दूतावासले बङ्गलादेशमा अनिश्चित कालीन कर्फ्यु जारी गरिएकाले सबै नेपालीलाई आफू रहेका स्थानमै सुरक्षित रहन र अधिकतम सतर्कता अपनाउन सूचना जारी गरेको छ ।
सूचनामा नेपाल फर्कन चाहनेहरुले दूतावाससँग समन्वय गरी सुरक्षा प्रबन्ध सुनिश्चित भइसकेपछि मात्र यात्रा गर्न आग्रह गरेको छ ।
प्रतिक्रिया दिनुहोस्
