काठमाडौं । काभ्रेको धुलिखेलमा ढलभित्र परेर बेपत्ता भएकी महिलाको शव फेला परेको छ । जिल्ला प्रहरी कार्यालयका अनुसार मंगलबार धुलिखेल नगरपालिका ५ श्रीखण्डपुरमा ढलभित्र परी बेपत्ता भएकी भगवती भागदास मृत भेटिएकी हुन् ।
प्रहरीका अनुसार बिहान करिब ११ बजे ढलको मकलमा परेर रामेछाप खाडादेवी गाउँपालिका ३ घर भई हाल पनौती नगरपालिका ५ नैकिनटार बस्ने ५० वर्षीय भागदास बेपत्ता भएकी थिइन् ।
ढलभित्र बेपत्ता भएकी उनको खोजी गर्ने क्रममा बिहान ११ः३५ बजे शव फेला परेको प्रहरीले जनाएको छ । उक्त ढलले बगाएर ३०० मिटर तल खेतमा तैरिएको अवस्थामा शव फेला परेको थियो ।
प्रतिक्रिया दिनुहोस्
