काठमाडाैं । नेपाली बजारमा शुक्रबार सुनको मूल्य बढेकाे छ । बिहीबारकाे तुलनामा आज प्रतिताेला १ हजार ५०० रुपैयाँले मूल्य बढेकाे हाे ।
नेपाल सुनचाँदी व्यवसायी महासंघका अनुसार अघिल्लो दिन तोलामा १ लाख ४६ हजार ६०० रुपैयाँमा कारोबार भएको छापावाल सुनको मूल्य शुक्रबार बढेर १ लाख ४८ हजार १०० रुपैयाँ कायम भएको हो ।
यस्तै, शुक्रबार तेजाबी सुन तोलामा १ लाख ४७ हजार ४०० रुपैयाँमा कारोबार भएको महासंघले जनाएकाे छ ।
यसअघि बिहीबार पनि सुनको मूल्य तोलामा ३०० रुपैयाँले बढेकाे थियाे ।
सुनकाे मूल्य बढ्दा चाँदी मूल्य पनि बढेकाे छ । शुक्रबार चाँदी प्रतितोला ४० रूपैयाँले बढ्दै प्रतिताेला १ हजार ७३० रुपैयाँमा कारोबार भएको महासंघले जनाएकाे छ ।
अन्तराष्ट्रिय बजारमा भइरहेकाे मूल्यकाे घटबढ स्थानीय बजारमा परेकाे महासंघले जनाएकाे छ ।
प्रतिक्रिया दिनुहोस्
