काठमाडौं । आठ वर्ष भन्दा धेरै समय पछि महानायक राजेश हमाल फिल्ममा फर्किने खबरले यतिबेला नेपाली फिल्मवृत तताएको छ । लामो समय फिल्मबाट अलग हुँदा दर्शकले उनलाई ठूलो पर्दामा खोजिरहेका थिए ।
माहानायक हमाल अब दिवाकर भट्टराईको निर्देशनमा बन्ने फिल्म ‘नरसिंहाः अवतार’मार्फत दर्शक माझ आउने भएका छन् । जस कारण हमाललाई सेतो पर्दामा खोज्ने दर्शक निकै खुसी छन् । यो फिल्म उनीसँगै दर्शक दुवैका लागि विशेष हुने पक्का छ । त्यसैले यो फिल्म प्रतिक्षित बन्ने निश्चित छ ।
नरसिंहाको अर्थ- भगवान विष्णुको उग्र अवतार हो। निर्माणपक्षले बिहिबार फिल्मको घोषणा गरिएसँगै थिम पोस्टर सार्वजनिक गरेको थियो । जहाँ, थिम पोस्टरले युद्धको सङ्केत गरेको छ ।
सार्वजनिक पोस्टरमा प्रयोग गरेको दायामा रातो (आगो) र दायातर्फ निलो समुद्रको रङले फिल्मको कथा युद्ध र शान्तिको हुने संकेत गरेको छ । शान्तिका लागि द्वन्द्व हुने थिम पोस्टरले संकेत गरेको यसले पनि फिल्म द्वन्द्वप्रधान हुने प्रष्ट छ । आगो र पानीले आफ्नो अस्तित्व एकै ठाउँमा रहेर जोगाउन सक्दैनन् । त्यसैले यो लगाईंमा कसले जित्छ भन्ने हो । त्यसैले यसमा भरपुर एक्सन हुने अनुमान लगाउन सकिन्छ ।
यता, हमालको अपोजिटमा नायिका को हो, अन्य मुख्य कलाकार को-को हुन् भन्नेबारे निर्माणपक्षले केही पनि खुलाएका छैनन् । तर, यसै फिल्ममा मोडल तथा नायिका नीति शाह पनि अनुबन्धित भएको खबरहरु बाहिरिएका छन् ।
नीतिले आफैँले यो फिल्ममा अनुबन्धित भएको पुष्टि भएकी गरेकी छन् भने निर्माणपक्षले उनी फाइनल भइसकेको संकेत गरेको छ । नीति फाइनल भएसँगै दर्शकहरूले नीति र राजेशको जोडी रहने आशङ्का गरेका छन् ।
अहिले सम्म दुई जना कलाकार मात्र फाइनल भएकाले फिल्ममा राजेश र नीतिले जोडी बाँधिन सक्ने सम्भावना छ । तर, फिल्ममा यी दुईको जोडी हुने वा नहुने विषयमा भने निर्माणपक्षले केही पनि बोलेको छैन । साथै, तपाईँलाई यो पनि जानकारी गराउँ की यो फिल्मका लागि अझै दुई नायिका र एक नायकको खोजी भइरहेको छ । यसरी हेर्दा फिल्ममा कसको के भूमिका रहने भन्ने बारे अन्योल नै छ ।
क्रिएटिभ सिने आर्टको प्रस्तुति रहने फिल्म यही भदौबाट छायाङ्कनमा जाने तयारीमा रहेको छ । फिल्मको लगानी भने तीन करोडभन्दा माथि हुने बताइएको छ ।
कुनै समय हमालको पोस्टरमा अनुहार भएकै भरमा फिल्म सुपर हिट हुन्थ्यो । फेरी राजेशको फिल्ममा कमव्याक कस्तो होला यो भने हेर्न बाँकी रहनेछ । यता, नीतिको कुरा गर्ने हो भने अहिले उनको हातमा फिल्मको लाइनअप निकै बलियो देखिएको छ ।
नीतिको डेब्यु फिल्म सफल भए पनि एकपछि अर्को फिल्म उनको हातमा छन् । जसमा ‘ज्वाइँसाब’को छायांकन सक्काएर बसेकी छन् भने ‘रुखान’ र ‘मोहर’ छायांकनको पर्खाइमा छन् ।
निर्देशक भट्टराईको अर्को फिल्म ‘मायावी’ प्रदर्शनको तयारीमा छ ।
