काठमाडौं । संक्रमणकालीन न्याय सम्बन्धी विधेयक (टीआरसी) आगामी मंगलबार प्रतिनिधि सभामा पेस हुने भएको छ । कानुन, न्याय तथा मानवअधिकार समितिले सभामुख देवराज घिमिरेलाई आगामी बैठकमा पेस गर्ने व्यवस्थाका लागि पत्राचार गरेको हाे ।
सभापति विमला सुवेदीले प्रतिनिधि सभाको आगामी बैठकमा शुक्रबार पेस गर्न पत्राचार गरेकी हुन् । सिंहदरबारस्थित सभामुखको कार्यकक्षमा भएको भेटमा कानुन समितिका सदस्यहरू र संसद् सचिवालयका अधिकारीसमेत उपस्थित थिए ।
प्रतिनिधि सभाले २०८० साल वैशाख १५ मा दफावार छलफलका लागि भन्दै उक्त विधेयक समितिमा पठाएकाे थियाे । तर, शीर्ष तहमा सहमति बन्न नसक्दा एक वर्षदेखि विधेयक अलपत्र अवस्थामा थियाे ।
उच्च तहमा सहमति भएसँगै गत बिहीबार समितिबाट सर्वसम्मत रुपमा पारित भएको थियो ।
प्रतिक्रिया दिनुहोस्
