मसालेदार खाना
धेरै मसालेदार खाना उच्च रक्तचापका बिरामीहरूको लागि हानिकारक हुन सक्छ। खानामा प्रयोग हुने मसलाले रक्तचापको समस्या झनै बढाउन सक्छ । यदि तपाई बीपी हाईबाट पीडित हुनुहुन्छ भने तुरून्तै कम मसला भएको खानेकुरा मात्र खाने गर्नुहाेस् ।
क्याफिन
उच्च रक्तचापका बिरामीहरूले क्याफिनबाट टाढा रहनु महत्त्वपूर्ण छ। कफी र सोडा जस्ता पेयहरू तिनीहरूका लागि हानिकारक साबित हुन सक्छ। चियाबाट पनि टाढा रहनु राम्रो हुन्छ ।
चिनी
उच्च रक्तचापका बिरामीले पनि चिनी वा मीठो कुराबाट टाढा रहनुपर्छ । धेरै चिनी खाँदा मोटोपना बढ्न सक्छ, जुन उच्च रक्तचापका बिरामीका लागि हानिकारक हुन्छ।
नुन
उच्च रक्तचापका बिरामीका लागि धेरै नुन विषभन्दा कम होइन । नुनको अत्याधिक सेवनले उच्च रक्तचाप र मुटुसँग सम्बन्धित समस्या निम्त्याउन सक्छ।
अचार
कुनै पनि खानेकुरा जोगाउन नुन चाहिन्छ। नुनले खानालाई छिट्टै सड्नबाट रोक्छ। नुनयुक्त संरक्षित वस्तुको सेवनले उच्च रक्तचापका बिरामीलाई समस्या निम्त्याउन सक्छ । यसमा अचार पहिलो आउँछ। त्यसैले यसको सेवनबाट टाढा रहनुहोस्।
प्याक गरिएको खाना
उच्च रक्तचापका बिरामीहरू प्याक गरिएको खानेकुराबाट टाढै बस्दा राम्रो हुन्छ । प्याकेज गरिएको स्टकमा सोडियम उच्च मात्रामा हुन्छ र सोडियम उच्च रक्तचापको प्रमुख कारण हो। एजेन्सीकाे सहयाेगमा
नाेट : समाचारमा दिइएको केही जानकारी मिडिया रिपोर्टहरूमा आधारित छ। कुनै पनि सुझाव लागू गर्नु अघि, तपाईंले सम्बन्धित विशेषज्ञसँग परामर्श गर्न हाम्राे अनुराेध छ ।
