काठमाडौं । सप्तरीको शम्भुनाथ नगरपालिका ५ स्थित पूर्व–पश्चिम राजमार्गमा आज बिहान दुर्घटनामा ट्रक चालकको मृत्यु भएको छ ।
पश्चिमबाट पूर्वतर्फ जाँदै गरेको मधेस प्रदेश ०३–००१ ख ८१८१ नंको क्लिङ्कर लोड भएको १२ चक्के ट्रक दुर्घटना हुँदा सोही ट्रकका चालक मोरङको उर्लाबारी नगरपालिका १ का २५ वर्षीय सबिन राईको मृत्यु भएको हो ।
शम्भुनाथ ५ स्थित मोहनपुर पुलबाट २० मिटर तल खसेको ट्रकभित्र चालक राईको च्यापिएको जिल्ला प्रहरी कार्यालयका प्रहरी नायब उपरीक्षक ढुण्डिराज नेउपानेले जानकारी दिए । शवलाई क्रेन र स्काभेटरको सहयोगमा निकाल्ने प्रयास भइरहेको छ ।
प्रतिक्रिया दिनुहोस्
