काठमाडौं । पछिल्लो समयमा भारतीय अलराउण्डर हार्दिक पाण्ड्याको विभिन्न समाचारहरू आइरहेको छ । श्रीमती नतासा स्टान्कोभिकसँग डिभोर्सपछि उनी चर्चामा आएका हुन् ।
श्रीमतीसँग डिभोर्स भएसँगै उनले अनन्या पाण्डेसँग पार्टीमा डान्स गरे । यसैबीच उनीहरूबीच सम्बन्धनमा रहेको हल्ला चल्यो । अहिले हार्दिकको नाम बेलायती गायिकासँग जोडिएको छ । समाचारमा जनाइएअनुसार हार्दिकले बेलायती गायिका जस्मिन वालियालाई डेट गरिरहेका छन् ।
भर्खरै हार्दिकले आफ्नो ग्रीस छुट्टीको भिडियो पोस्ट गरेका थिए । भिडियोमा उनी स्विमिङ पुलको अगाडि देखिएका छन् । हार्दिकको यो छुट्टीको भिडियोका कारण उनको र बेलायती गायिका डेटिङको हल्ला चल्न थालेको हो ।
हार्दिक पाण्ड्याको भिडियो सार्वजनिक हुनुभन्दा दुई दिनअघि जस्मिनले ग्रीसमा आफूले मनाएको छुट्टी केही तस्विर पोस्ट गरेकी थिइन् । यी तस्विरहरूमा जैस्मिन र हार्दिकले खिचाएको पोखरी एउटै थियो ।
यी दुईको तस्विरमा मिल्दो पृष्ठभूमिका कारण मानिसहरूले सामाजिक सञ्जालमा उनीहरूबीच सम्बन्ध भएको अनुमान गरेको हो । उनीहरूले एकअर्काका तस्विरलाई पनि लाइक गर्दै सम्बोधन गरेका थिए । उनीहरूको सम्बन्ध कति सत्यता छ ? त्यो समयले बताउने छ ।
