काठमाडौं । भक्तपुरको गठ्ठाघरमा ट्राफिक प्रहरीले जाँचका लागि रोकेको स्कुटरलाई ट्रकले ठक्कर दिँदा एक जनाको घटना स्थलमै मृत्यु भएको छ ।
ट्राफिक प्रहरीले रोकेर जाँच गर्दै गरेको बा ४९ प ८९४४ नम्बरको स्कुटरलाई ना ६ ख २१७३ नम्बरको ट्रकले ठक्कर दिएको थियो । घटनामा ट्रकले स्कुटरलाई घिसारेको थियो ।
ट्राफिक प्रहरीले लुकेर जाँच गर्दा ट्रकले एक्कासी ब्रेक लगाउँदा दुर्घटना निम्तिएको भन्दै स्थानीयबासी आक्रोशित बनेका थिए । स्थानीयबासीले ट्रकलाई तोडफोड गर्नुका साथै सडक अवरुद्ध गरेका थिए ।
घटनापछिको अवस्थालाई नियन्त्रणमा लिन र घटनाबारे थप अनुसन्धान सुरु भएको जिल्ला प्रहरी कार्यालय भक्तपुरले जनाएको छ । मुख्य राजमार्गमा लुकेर सवारी जाँच गर्दा दुर्घटना भएको स्थानीयको दाबी रहेको छ ।
प्रतिक्रिया दिनुहोस्
