काठमाडौं । आगामी भदौको लागि पनि अधिकांश वाणिज्य बैंकहरूले मुद्दति निक्षेपको व्याजदर घटाएका छन् । साउनको तुलनामा भदौका लागि औसतमा ०.१९ प्रतिशतले ब्याजदर घटेको छ ।
साउनमा औसतमा ६.७३ प्रतिशत रहेको मुद्दती निक्षेपको ब्याजदर भदौका लागि ०.१९ प्रतिशतले घटेर औसतमा ६.५४ प्रतिशतमा झरेको छ ।
२० वाणिज्य बैंकमध्ये ११ बैंकले निक्षेपको ब्याजदर घटाएका छन् भने आठ वाणिज्य बैंकले भने साउनकै ब्याजदरलाई निरन्तरता दिएका छन् । भदौमा प्राइम कमर्सियल बैंकले भने निक्षेपको ब्याजदर बढाएको छ ।
भदौमा ब्याजदर बढाउनेमा हिमालन, सिद्धार्थ, नेपाल इन्भेष्टमेन्ट मेगा, एभरेष्ट, राष्ट्रिय वाणिज्य, एनआइसी एसिया, एनएमबी, सानिमा, प्रभु, कृषि विकास र नेपाल एसबिआई बैंक रहेका छन् । माछापुच्छ्रे, कुमारी, लक्ष्मी सनराइज, स्ट्यान्डर्ड चाटर्ड, नबिल, ग्लोबल आइएमई, सिटिजन र नेपाल बैंकले भने साउनकै ब्याजदरलाई कायम राखेका छन् ।
परिवर्तित ब्याजदरअनुसार भदौमा एनआइसी एसियाले सबैभन्दा बढी ७.४१ प्रतिशत ब्याज दिनेछ भने नेपाल बैंकले सबैभन्दा कम ५.२५ प्रतिशत ब्याजदर दिनेछ ।
बैंकहरुले लगातार केही महिनादेखि नै ब्याजदर घटाइरहेका छन् । मुद्दती निक्षेप बढ्ने तर, कर्जा प्रवाह हुने अवस्था नभएपछि बैंकहरु ब्याजदर घटाउन प्रतिस्पर्धामा देखिन्छन् ।
भदौमा कुनको ब्याजदर कति ?
एनएमबी ७.४१
एनआइसी एसिया ७.४१
सिटिजन्स बैंक ६.७५
हिमालयन बैंक ७
माछापुच्छ्रे बैंक ६.५
नबिल बैंक ७
सिद्धार्थ बैंक ६.५
प्राइम कमर्सियल ६.७५
सानिमा बैंक ६.२
प्रभु बैंक ६
लक्ष्मी सनराइज बैंक ५.५
ग्लोबल आइएमई बैंक ६.२५
स्ट्यान्डर्ड चार्टर्ड बैंक ७
एभरेष्ट बैंक ६.३
नेपाल इन्भेष्टमेन्ट बैंक ६.५
नेपाल बैंक ५.२५
राष्ट्रिय वाणिज्य बैंक ६.०७
नेपाल एसबिआई बैंक ६.३
कृषि विकास बैंक ६.०५
