काठमाडौं । फिल्म ‘१२ गाउँ’ को टिजर सार्वजनिक गरिएको छ। बिराज भट्ट निर्देशित फिल्मको सार्वजनिक टिजर विराज स्वयं उनका छोरा समीर भट्ट
निर्माणको घोषणादेखि नै चर्चामा रहेको फिल्मको एक्सन–थ्रिलर टिजरमा बाबु-छोराको दमदार एक्सन देख्न सकिन्छ। बिराज भट्टले नेपाली फिल्म इतिहासकै उच्च स्तरीय एक्सन पस्किने तयारी गरेको टिजरले प्रस्ट पारेको छ। टिजरले यस फिल्मप्रति दर्शकहरूमा उच्च अपेक्षा पैदा गर्ने पक्का छ।
टिजर हेर्दा विराज एंग्री लुक्समा देखिएका छन् भने समीर सिक्स प्याक्ड बडीमा प्रस्तुत छन्। समीरले यही फिल्ममार्फत नेपाली रजतपटमा डेब्यु गर्दैछन् ।
फिल्ममा विराज र समीरसहित न्यान्सी खड्का, सनिशा भट्टराई, मुरलीधर, कनिज कोइराला, नरेन खड्का, दीया मास्के, कृष्ण भट्ट, सोनु चन्द्रपाल, कालु राना, अर्जुनजंग शाही, भिष्म जोशी, शुलेमान शंकर (इकु), तारा शर्मा, किशोर भट्ट, सन्तोष सरकार र स्टन्ट शिल्भाको अभिनय छ।
यही फिल्मबाट दुई अभिनेत्री पूर्वमिस नेपाल इन्टरनेसनल रहेकी न्यान्सी र मोडल सनिशाले डेव्यु गर्दैछन् ।
विराज भट्ट फिल्म पोडक्सन प्रस्तुतिमा निर्माण भएको यस फिल्मको कथा बिराजले लेखेका छन् भने पटकथा र संवाद सन्तोष सरकारले लेखेका छन्।
फिल्ममा अर्जुन पोखरेल र नीरजको सङ्गीत, रामजी लामिछाने, सुनिल क्षेत्री र कविराज गहतराजको कोरियोग्राफी, तथा प्रवीण केएल र भूपेन्द्र अधिकारीको सम्पादन रहेको छ।
फिल्म दसैंको फूलपाति अर्थात असोज २४ गतेदेखि प्रदर्शनमा आउने तयारीमा छ। यो फिल्म दीपक-दीपाको ‘छक्का पञ्जा ५’र जितु नेपाल अभिनीत ‘ज्वाइँ साब’सँगै रिलिज हुँदैछ।
