काठमाडौं । नेपाली बजारमा यो साता सुनको मूल्यमा सामान्य वृद्धि भएको छ । अघिल्लो शुक्रबारको तुलनामा यो साता सुनको मूल्य प्रतितोला एक हजार ५०० रुपैयाँले बढेको हो ।
नेपाल सुन चाँदी व्यवसायी महासंघका अनुसार अघिल्लो शुक्रबार प्रतितोला एक लाख ४८ हजार १०० रुपैयाँमा कारोबार भएको सुनको मूल्य यो शुक्रबार एक लाख ४९ हजार ६०० रुपैयाँमा कारोबार भएको हो ।
यो साता सुनको मूल्य नयाँ कीर्तिमान बनाएको महासंघले जनाएको छ । साताको मंगलबार रेकर्ड बनाएको सुनको प्रतितोला एक लाख ५० हजार ८०० रुपैयाँमा कारोबार भएको थियो ।
यस्तै, यो साता चाँदी मूल्य पनि वृद्धि भएको छ । गत शुक्रबार प्रतितोला एक हजार ७३० रुपैयाँमा कारोबार भएको चाँदी यो साता ३० रुपैयाँले वृद्धि भएको हो ।
प्रतिक्रिया दिनुहोस्
