काठमाडौं । गायक प्रकाश ओशा र सुपर सुरेशको स्वरमा नयाँ गीत ‘रेश्मा’ सार्वजनिक भएको छ ।
शनिबार एक कार्यक्रमकाबीच सार्वजनिक गरिएको गीतमा सुपर सुरेशकै शब्द तथा संगीत, निरज श्रेष्ठ एरेन्जको रहेको छ ।
सुरेश पाण्डेयको कोरियोग्राफी रहेको गीतको भिडियोमा गायक सुपर सुरेशसँगै लोसिना लामिछानेको अभिनय रहेको छ । भिडियोलाई प्रकाश ओझाले नै निर्देशन गरेका हुन् ।
गायक ओझाका ‘भत्काइदिन्छु बाख्राको खोर पनि’, ‘ए बाउ भात खान आउ’ लगायतका गीत हिट छन् ।
कार्यक्रममा गायक सुरेशले पछिल्लो समयका दर्शक तथा स्रोताको माग अनुरुपकै गीत ल्याएको भन्दै माया पाउनेमा आशावादी देखिए ।
गीतमा ४ लाख लगानी गरेको बताउँदै सुरेशले जे-जति लगानी भएपनि त्यसबाट ठुलो आम्दानीको अपेक्षा नराखेको बताए ।
प्रतिक्रिया दिनुहोस्
