काठमाडौं । ऋषभ शेट्टी, दुई वर्ष अघिसम्म यो नाम साउथ फिल्म इन्डस्ट्रीमा मात्रै चिनिन्थ्यो । अहिले आफ्नो नामलाई विश्वभर चिनाउन उनी सफल बन्दै गएका छन्, कारण हो फिल्म ‘कान्तारा’ ।
ऋषभले यो फिल्मबाट उत्कृष्ट अभिनेताको अवार्ड पाएका छन् । मात्र १६ करोड भारुमा बनेको ‘कान्तारा’ले विश्वभर करिब चार सय १५ करोड रुपैयाँ कमाएको थियो ।
ऋषभ ‘कान्तारा’का लेखक, निर्देशक र अभिनेता हुन् । ६ वटा मात्रै फिल्म निर्देशन गरेका ऋषभलाई ‘कान्तारा’ले पहिलो दर्जाका निर्देशकमा ल्याएका थियो ।
ऋषभका लागि यो सबै सजिलो थिएन। उनले सफलता हासिल गर्न करिब २० वर्ष संघर्ष गर्नु परेको थियो । कहिले पानीको बोतल र क्यान बेचेर जीविकोपार्जन गर्थे त कहिले होटलमा काम गर्थे । उनी फिल्ममा स्पटब्वाईको रूपमा प्रवेश गरेका थिए । लामो संघर्षपछि २०२२ मा उनले वास्तविक सफलता पाए र आज उनी ठूलो उचाइमा छन् ।
७ जुलाई १९८३ मा भास्कर शेट्टी र लक्ष्मी शेट्टीको कांदापुरा, उडुपी, कर्नाटकमा एक छोराको जन्म भयो, जसको नाम प्रशान्त थियो। यस प्रशान्तलाई पछि ऋषभ शेट्टीको रूपमा पहिचान गरियो। ऋषभको स्कुलिङ कण्डपुरा जस्तो सानो गाउँमा भएको थियो।
६ वर्षको उमेरदेखि नै उनलाई नृत्य र अभिनयमा रुचि बढ्यो । त्यसपछि उनले बिकम पढ्न बेंगलुरुको विजया कलेजमा भर्ना भए ।
यहाँ पनि ऋषभलाई रंगमञ्चमा बढी रुचि थियो । उनले यक्षगान (परम्परागत थिएटर रूप) मा प्रदर्शन गरिरहन्थे, जहाँ उनको यो प्रतिभाको लागि धेरै प्रशंसा गरियो। यही प्रशंसाबाट प्रेरित भएर ऋषभले अभिनयमा करियर बनाउने सोच बनाए ।
पानीको बोतल बेचेर गुजारा चलाउँथे
आफ्नो गैर-फिल्मी पृष्ठभूमिका कारण ऋषभलाई फिल्मी दुनियाँको बारेमा कुनै जानकारी थिएन, त्यसैले धेरै अनुसन्धानपछि उनले पढाइसँगै फिल्म निर्देशनमा डिप्लोमा गर्ने सोचेका थिए।
ऋषभले सरकारी फिल्म एण्ड टिभी इन्स्टिच्युट, बैंगलोरमा भर्ना भए । मध्यम वर्गीय परिवारका ऋषभले आफ्नो पढाइ र जीविकोपार्जनका लागि आफ्ना आमाबुवालाई कष्ट दिन चाहँदैनन् थिए । त्यसैले उनले होटलमा समेत काम गरे । उनले पानीको बोतल र क्यान बेच्ने काम गरे ।
