मन्कीपक्स भाइरसबाट लाग्ने रोग हो। यो भाइरल इन्फेक्सन हो, जुन संक्रमित वस्तुको सम्पर्कमा आएर सर्छ। यद्यपि यो नयाँ रोग होइन, यसको पहिलो केस डेनमार्कमा सन् १९५८ मा फेला परेको थियो।
तर, पछिल्लो समय यो भाइरसले महामारीको रुप लिएको छ । मिडिया रिपोर्टहरूका अनुसार, पछिल्ला केही दिनहरूमा कंगोलगायत दक्षिण अफ्रिकामा यसकाे प्रकाेप बढ्दाे छ । जसबाट थुप्रैले ज्यान गुमाएका छन् । लगभग ११५ देशहरू मन्कीपक्सबाट प्रभावित छन्, जसमा हाम्राे दक्षिणी छिमेकी मुलुक भारत पनि समावेश छ।
मार्चमा मात्रै भारतमा ३० संक्रमित फेला परेका थिए।
मन्कीपक्स भाइरसको लक्षण
शरीरमा पिप भरिएको दाना देखिनु
ज्वरो आउनु
टाउको दुख्ने समस्या हुनु
अत्याधिक मांसपेशी दुखाइ महसुस गर्नु
पछाडि दुखाइ महसुस गर्नु
कमजोरी महसुस गर्नु
घाँटीमा सुन्निने हुनु
मन्कीपक्सको उपचार
हालसम्म, मन्कीपक्स संक्रमणको लागि कुनै खोप उपलब्ध छैन। जसका कारण नियन्त्रण गर्न गाह्रो छ । यद्यपि, प्रारम्भिक चरणमा मन्कीपक्सकाे लक्षणहरूको उपचार सुरु गर्दा निको हुने सम्भावना बढ्छ।
मन्कीपक्सबाट बच्ने उपाय
डब्लुएचओको सुझाव अनुसार मन्कीपक्सबाट बच्नको लागि सबैभन्दा महत्त्वपूर्ण कुरा जनावरसँग असुरक्षित सम्पर्कबाट बच्नु हो। बिरामी र मरेका जनावरहरूलाई सुरक्षा बिना छुन र तिनीहरूको मासु खान नदिनुहोस्। यसका साथै, संक्रमित व्यक्तिसँग दूरी कायम राख्नु पनि अति आवश्यक छ। शारीरिक सम्बन्ध राख्दा सुरक्षाको प्रयोग गर्न निश्चित हुनुहोस्। एजेन्सीबाट
