काठमाडौं । कामना सेवा विकास बैंक लिमिटेडले गमला सहयोग गरेको छ । बैंकका अनुसार संस्थागत सामाजिक उत्तरदायित्वअन्तर्गत शाखा कार्यालय दमक, झापामार्फत प्रशान्ति टोल विकास संस्थालाई ६३ थान गमला सहयोग गरिएको हो ।
प्रशान्ति टोल विकास संस्थाको साधारण सभाअन्तर्गत संस्थाले एक स्वच्छ वातावरण कायम गर्ने लक्ष्य लिई ‘प्रत्येक घरको अगाडि एक गमला एक बिरुवा रोप्नु’ भन्ने उद्देश्यले कामना सेवा विकास बैंकले सामाजिक उत्तरदायित्व कार्यक्रमअन्तर्गत आइतबार सो गमला हस्तान्तरण कार्य सम्पन्न गरेको हो ।
बैंकका कोशी प्रदेशका प्रमुख मोहनदत्त खनालले ती गमला उक्त संस्थाका अध्यक्ष ज्ञानबहादुर कार्कीलाई हस्तान्तरण गरिएको बताइएको छ ।
हस्तान्तरण कार्यक्रममा बोल्दै अध्यक्ष कार्कीले सामाजिक उत्तरदायित्व कार्यक्रमअन्तर्गत गमला हस्तान्तरण गरेकोमा बैंकलाई धन्यवाद व्यक्त गर्दै आयोजना गरिएको कार्यक्रम सकरात्मक रहेको बताए । उक्त कार्यक्रममा बैंकका कर्मचारीहरू तथा अन्य संस्थाका प्रतिनिधिहरूको समेत उपस्थिति रहेको थियो ।
यससँगै बैंकले आगामी दिनमा समेत सरोकारवालाको समन्वय तथा सहकार्यमा यस्ता प्रकृतिका सामाजिक कार्यलाई निरन्तरता दिने जनाएको छ ।
