काठमाडौं । प्रतिकूल मौसमका कारण देशभरका विमानस्थलको उडान प्रभावित हुन पुगेको छ ।
खराब मौसमले कम भिजिबिलिटी हुँदा आन्तरिक र अन्तर्राष्ट्रिय दुवै उडान प्रभावित भएको त्रिभुवन अन्तर्राष्ट्रिय विमानस्थलले जनाएको छ ।
विमानस्थलका महाप्रबन्धक जगन्नाथ निरौलाका अनुसार वर्षाले केही उडान प्रभावित भएका छन् । भिजिबिलिटी कमजोर हुँदा पोखरा, जनकपुर र सिमरा विमानस्थलमा उडान हुन सकेनन् ।
यस्तै, भरतपुर विमानस्थलमा भिजिबिलिटी कम हुँदा उडान रोकिएको छ । सुर्खेत विमानस्थलमा खराब मौसम हुँदा बुद्ध एयरको विमान नेपालगञ्ज ‘डाइभर्ट’ भएको थियो ।
प्रतिक्रिया दिनुहोस्
