काठमाडाैं । नेपाली सेनाले रिक्त अधिकृत पदमा दरखास्त आव्हान गरिएको छ । सेनाको भर्ना छनोट निर्देशनालय जंगी अड्डा काठमाडौंले शुक्रबार सूचना जारी गर्दै रिक्त अधिकृत पद (सहायक सेनानी/उपसेनानी) मा नयाँ भर्नाको लागि दरखास्त आह्वान गरेको हाे।
खुला तथा समावेशी प्रतियोगिताद्वारा पदपूर्ति गर्नको लागि दरखास्त आह्वान गरिएको सूचनामा उल्लेख छ।
सैनिक तालिम वा कर्तव्य पालनाको सिलसिलामा मृत्यु भएका वा शारीरिक रुपमा अशक्त नेपाली सैनिकका सन्तानबाट १४ जना, खुलाबाट १४७ जना, महिला २४, आदिवासी/जनजाती ३८, मधेसी ३३, दलित १८, पिछडिएको क्षेत्रबाट ६ जना गरी २८० जना भर्ना गर्न चाहेको जंगी अड्डाले जनाएको छ।
त्यसका लागि योग्यता पुगेका इच्छुक नेपाली नागरिकले आजदेखि आगामी असोज ५ गतेसम्म दरखास्त दिन सकिने सूचनामा उल्लेख छ।
यस्ताे छ सूचना
प्रतिक्रिया दिनुहोस्
