काठमाडौं । मोटरसाइकल दुर्घटनामा सर्लाहीको कविलासी नगरपालिका ४ का पूर्ववडाध्यक्षको मृत्यु भएको छ ।
घटनामा ४३ वर्षीय अरविन्दकुमार यादवको निधन भएको हो । बरहथवा नगरपालिका १० सीतापुरस्थित किसनपुर चोकमा शुक्रबार राति भएको दुर्घटनामा उनको निधन भएको प्रहरीले जनाएको छ ।
कविलासीको पिपरीयाबाट बरहथवातर्फ गइरहेको प्रदेश २-३-०२० प ३२४५ नम्बरको मोटरसाइकल गएराति एक साइकलमा ठोक्किएर दुर्घटना भएको थियो । उनको घटना स्थलमै निधन भएको हो ।
घटनामा ठोक्किएको साइकल चालकको खोजी भइरहेको प्रहरीले जनाएको छ । साथै, दुर्घटनाबारे अनुसन्धान भइरहेको प्रहरीले जनाएको छ ।
उनी नेकपा एमाले जिल्ला कमिटीका सदस्यसमेत थिए । २०७४ को निर्वाचनमा एमालेबाट वडाध्यक्षमा निर्वाचित भएका थिए ।